Search This Blog

Monday, June 20, 2016

Aklanon News: 2 nga Negosyo Center sa Aklan igalunsar

By Venus G. Villanueva KALIBO, Aklan, June 19 (PIA6) -- Daywang ka Negosyo Centers kon siin ro sambilog hay igabutang sa Ibajay ag ro sambilog hay sa Altavas iya tanan sa Aklan ro igalunsar sa buean ngara it Department of Trade and Industry (DTI) sagunson sa Hunyo 27 ag 28. Sa Ibajay, igabutang ro Negosyo Center sa Tourism Center sa Poblacion, Ibajay samtang ro sa altavas hay igabutang sa Altavas Public Market. Ro mga Negosyo Center ngara hay may daea man kada isaea nga NegoCart, kon siin igabutang ro mga pinasahi nga mga produkto it kada banwa pareho ku mga pagkaon ag iba pang himo mismo sa banwa. Ro daywa nga Negosyo Center ngara hay kadugangan sa hauna eon nga habutang sa Kalibo nga makita makaron sa DTI-Aklan nga ginlunsar ku Abril 24, 2015. Sambilog pa ro ginaplano nga igabutang sa Malay nga mahimo matukod antes matapos ro dag-on ngara. Suno sa DTI, ro pagbutang it mga Negosyo Center sa mga probinsya, siyudad ag mga banwa sa nasyon hay sambilog sa mga mayor nga ginatanyag it Go Negosyo Act ukon Republic Act 10644 nga ginsalaye ku Hulyo 15, 2014. Pagagamiton ro mga Negosyo Center sa pagpatigayon it maeumo nga pang negosyo ag pagpasilitar it daean para sa mga Micro, Small ag Medium Enterprises (MSMEs). Kon bukas eon, magatao ro Negosyo Center it mga serbisyo sa pagrehistro it negosyo, mga payo pang negosyo ag pagtao it mga impormasyon hanungod sa negosyo. Ro Provincial Micro, Small and Medium Enterprise Development Council (PSMEDC) ro mangin “coordinating ag oversight body” para sa mga Negosyo Center. Sa pagahiwaton nga paglunsar, sanday Mayor Ma. Lourdes Miraflores it Ibajay ag Mayor Denny Refol it Altavas hay maga abi abi sa mga bisita samtang ro mga mensahe hay ipaabot nanday DTI 6 OIC Regional Director Rebecca Rascon; Aklan Vice Governor Gabrielle Calizo-Quimpo; Governor Florencio T. Miraflores ag Rep. Teodorico T. Haresco. Ro Overview it Negosyo Center hay igapaabot ni Ma. Carmen Iturralde, DTI-Aklan Provincial Director. Pagahiwaton dayon ro Unveiling ag Blessing it Negosyo Center ag NegoCart pagkatapos it pagpirma it sangka Memorandum of Agreement (MOA) sa tunga it DTI ag mga nasambit nga local government units. (JSC/VGV-PIA6 Aklan)

Aklanon News: PHO ginpabaskog ro kampaya kontra dengue hara nga tig-oeu-an

By Sheila Q. Patoza KALIBO, Aklan, Hunyo 20 (PIA6) – Sa pag-umpisa it tig-ueo-an kung siin ro dengue ginaekspektar nga gataas, ro Provincial Health Office iya ginahikayat nga mangin maid-id sa paglimpyo sa anda nga palibot ag ipaigting ro mga aktibidadis sa pagtapna it pagkalat it sakit. Sa isaea ka media interview, si Dr. Cornelio Cuachon, Jr., provincial health officer I, naghambae nga kada tig-ueo-ean, ro dengue hay sa ana nga pinakamataas nga pag-abo. “Kung basehan ro pattern ku 2015 pattern, ro pag-abo it kaso it dengue nag-unpisa sa mga buean it Hunyo, Hulyo, Agosto ag Setyembre nga kung siin sa hara nga buean ro narekord nga may pinakamataas nga kaso it dengue nga may 214 ukon 7 ka kaso kada adlaw,” hambae ni Cuachon.. Si Dr. Cuachon nag-apela man sa publiko nga iparaktison ro 4S - strategies, ra ginakampanya it Department of Health nga epektibo nga pamaagi sa patapna ag pagduea it dengue. Ro nauna nga S – ro Search and Destroy, ginahikayat ro kada panimaeay nga mangin malimyo sa palibot, usuyon ag gub-on ro mga ginapamaeayan it namok paagi sa pag-uea it tubi nga nakapundo sa sa mga lata, tansan, botelya ag sa mga kapareho nga mga bagay. “Ro pika-rule hay ro mga nakakaya nga mga sueodlan hay ipaku-eob gid ukon butangan it hugot nga takop,” dugang nana. Ro mga flower base man hay islan it tubi maski nubo sambilog ka beses sa is aka semana, hambae man ni Cuachon. Isaea pagid nga pamaagi sa pagtapna it dengue hay ro Self-protective measure kaparehas it paggamit lotion nga kontra sa angkit it namok, pagsuksok it may mahaba nga manggas, medyas ag saywae. Ro DOH ginarekomenda man ro Seek early Consultations sa pinakameapit nga klinika ukon hospital kung ro tawo hay may sobra daywa adlaw nga eagnat ag may pantal-pantal. Ro Health Department ginaindian gid ro self-medication. Say no to Indiscriminate fogging ro pang-ap-at nga S. Ro fogging hay ginagamit eamang kung may epidemic ukon outbreak sa isaea ka lugar. Samtang, ro anti-dengue vaccine hay iya eon sa Pilipinas ag ku Abril it hara nga dag-on ro first dengue vaccination sa pampubliko nga eskuylahan hay ginhiwat sa Region 3, 4A, ag National Capital Region. Sa probinsya it Aklan, suno kay Cuachon, ro dengue vaccines hay uwa pa sa mga pampubliko nga ospital ag health unit, pero hara hay ina eon sa mga pribado nga mga klinika sa tatlo ka injection nga may an-om ka buean nga pae-at-pae-at kada pagpabakuna kung siin hara hay nagabalor it P4000-4500 kada dosage. (JSC/SQP-PIA6 Aklan)

Sunday, June 12, 2016

Aklanon News: Kaso kontra China bangud sa maritime dispute naga-kaangot sa laye

Joselito Edwin R. Ramos MANILA, Hunyo 7 (PIA6) - - Gina uman-uman it sangka opisyal it palasyo nga ro hueag it Pilipinas para isaka ro kaso kontra sa China sa Permanent Court of Arbitration sa the Hague hay naga kaangot sa laye. Gina kwestyon it Pilipinas ro ana it mga Intsik nga territorial claim ku South China Sea sa andang petistyon sa korte it United Nations sa idaeom ku UN Convention on the Law of the Sea o UNCLOS. “ro gin pasaka nga petisyon it Pilipinas sa Permanent Court ofS nga kung siin ro Pilipinas hay sambilog sa 166 nga mga pungsod nga nag-ratipika ku nasambit nga kasugtanan,” hambae ni Secretary Herminio Coloma, Jr. it Presidential Communications Operations Office o PCOO sa Radyo ng Bayan ku Domingo. “Ro patikang it Pilipinas hay padayon nga naga ani it suporta halin sa naga kasari-sari nga nasyon sa bilog nga kalibutan,” duang pa ni Coloma, bilang reaksyon sa mga balita nga paga balewala-on it China ro decision ku korte it UN. Si Rear Admiral Guan Youfel it national defense ministry it China, nga idto sa Singapore sa pinaka mabahoe nga Asia security summit hay naghambae nga ro arbitration hay illegal. “Para simple, ro arbitration case hay sumobra sa jurisdiction ku arbitration bangod ro away sa territorial ag sovereignty hay indi puede nga mangin subject sa arbitration. Ngani, ginapanan-aw namon ra nga illegal ag indi kami mag partisipar o kun magbaton kara,” suno sa Intsik nga opisyal sa sangka interview ku Sabado. Ginasaligan nga ro Permanent Court of Arbitration hay magapabor sa raya nga kaso sa madali nga panahon. Ginaduso it UN Charter ag International Law ro matawhay nga pag-ayos ku raya nga problema pinaagi sa dayalogo. Ro UNCLOS man hay magarespeto sa desisyon ku mga partidos kung paalin husayon ro indi pag hilobot ngara. (JSC/JERR-PIA6 Aklan)

DENR: Aklan not an illegal-logging hotspot

By Venus G. Villanueva KALIBO, Aklan, 10 June (PIA6) -- The province of Aklan is not an illegal logging hotspot. This is based on the anti-illegal logging parameters and the actual incidents over the last 15 months, according to Merlene Aborka, Development Management Officer V/Chief Technical Services Division of the Department of Environment and Natural Resources (DENR) here, as recorded in the Aklan Provincial Anti-Illegal Logging Task Force Report (APAILTF). Aklan’s standing as of now is based on the actual situation from January to June 2015, July to December 2015 and January to March 2016. From January to June 2015, DENR-Aklan recorded a total of 9 apprehension incidents/seizure of illegally-transported forest products (lumber) coming from alienable and disposable lands in 5 municipalities – Batan, 2 incidents involving 476.81 board feet from planted species for personal purposes; Kalibo, 1 incident involving 447.03 bd. ft. from naturally grown trees; Altavas, 3, involving 1,461.29 bd. ft. from planted species for personal purposes; Lezo, 1, 189.00 bd. ft.; naturally grown species and Numancia, 1, with 2,526.60 bd ft., naturally grown species. Nine (9) incidents of apprehension/seizure of illegally-transported forest products from alienable and disposable land were also recorded from July to December 2015 in 6 Aklan municipalities, with the biggest haul from Nabas with 2,467.99 board feet; Malay, 1,903 bd. ft.; Ibajay, 1,619.55 bd ft.; Buruanga, 309 bd. ft.; Makato, 306.40 bd. ft and Lezo, 79 bd. ft. The period from January-March 2016 recorded 9 minor incidents of apprehension-seizure of illegally transported forest products (lumber and charcoal) coming from alienable and disposable lands in 7 municipalities, with Madalag involving 949.42 bd. ft.; Ibajay, 558 bd. ft.; Malinao, 232.70 bd. ft.; Makato, 100 bd. ft. and Numancia, Tangalan and Kalibo involving apprehensions of a total of 58 sacks of charcoal. Based on the parameters on illegal logging hotspot, a certain locality (municipality or province can be considered as illegal logging hotspot when there is several to many incidence of confiscation in commercial quantity of illegally cut, gathered, transported including possession of forest products from the natural and residual forest, government reforestation projects including from private lands without permits. According to the DENR, commercial quantity of forest products can be qualified in terms of volume of which at least 1,000 board feet in case of lumber or an equivalent gross volume of 2.35 cubic meters for log. Illegally cut/gathered, possessed plantation species should have a minimum volume of 2,000 board feet and 9.00 cubic meters for plantation logs. Aborka bared the status of Aklan as a non-illegal logging hotspot during the PIA-Aklan hosted radio program over RMN-DYKR where she was invited as guest, to discuss activities and programs of DENR-Aklan in celebration of World Environment Day (WED) and Environment Month this June. (JCM/VGV PIA6 Aklan)

Aklanon News: Aklan bukon it sangka 'hotspot' sa illegal logging, suno sa DENR

By Venus G. Villanueva KALIBO, Aklan, Hunyo 11 (PIA6) -- Bukon it sangka illegal logging “hotspot” ro probinsya it Aklan. Raya nga estado hay base sa anti-illegal logging “parameters” ag ro mga aktwal nga insidente ku nagtaliwan nga 15 buean, suno kay Merlene Aborka, Development Management Officer V/Chief Technical Services Division it Department of Environment and Natural Resources (DENR) nga nakabutang sa listahan it Aklan Provincial Anti-Illegal Logging Task Force (APAILTF) nga report. Ro sitwasyon it Aklan makaron hay angot sa aktwal nga sitwasyon halin ku enero hasta Hunyo it 2015, Hulyo hasta Disyembre it 2015; ag Enero hasta Marso 2016. Halin ku Enero hasta it Hunyo 2015, naka lista ro DENR-Aklan it 9 nga pagdakup ag pagkumpiska it mga produkto nga illegal nga ginbiyahe halin sa limang ka banwa – Batan, 2 nga insidente nga hadakpan it 476.81 nga board feet it kahoy nga mga tinanum para sa personal nga pag gamit; Kalibo, sambilog (1) nga insidente kon siin 447.03 bd. ft. ro imbolbado halin sa mga natural nga nagtubo nga kahoy; Altavas, 3, may 1,461.29 nga bd. ft. halin sa tinanum nga mga puno para sa personal nga pag gamit, Lezo, 1, ag 189.bd. ft. nga natural nga nagtubo, ag Numancia, sangka kaso, kon siin may 2,526 bd. ft. nga imbolbado nga natural nga ginpatubo. Siyam (9) man nga mga insidente it pagpangdakup ro halista nga mga illegal nga ginbyahe nga mga kahoy ku Hulyo hasta Disyembre 2015 halin sa 6 nga mga banwa – kon siin ro pinakaabu kara hay sa Nabas nga may 2,467.99 board feet nga imbolbado; Malay, 1,903 bd. ft.; Ibajay, 1,619.55 bd. ft.; Makato, 306.40 bd. ft. ag Lezo, 79 bd. ft. Ro halin mat-a it Enero hasta Marso it 2016 hay nakalista it 9 nga menor nga mga insidente it illegal nga pagbyahe it kahoy ag uling halin sa mga “alienable/disposable” nga mga eugta sa pito (7) nga mga banwa – Madalag nga may 949.42 bd. ft.; Ibajay, 558 bd. ft.; Malinao, 232.70 bd. ft.; Makato, 100 bd. ft.; ag Numancia, Tangalan ag Kalibo nga nakumpiskahan it 58 nga sako it mga uling. Base sa “parameters” sa illegal logging hotspot, ro sangka lugar, munisipyo man ukon probinsya hay ma konsiderar nga illegal logging hotspot kon may una nga pila ukon abu nga mga insidente it pag kumpiskar sa komersyal nga kaabuon it illegal nga ginpukan, gintipon, ginbyahe ukon ginahuptan nga mga produkto it kagueangan halin sa mga natural ag “residual” nga mga kakahuyan pati sa mga pribado nga lote nga owa it mga permiso. Suno sa DENR, ro komersyal nga kaabuon it mga produkto hay matan-aw sa kaabuon kon siin may una dapat nga 1,000 bd. feet kon kayoy ukon may katumbas nga gross volume nga 2.35 cubic meters kon torso. Ro mga illegal nga pinukan ukon gineanggari nga kahoy hay dapat may minimum nga kaabuon nga 2,000 board feet ag 9.00 metros para sa mga torso sa plantasyon. Ginpaabot ni Aborka ro estado it Aklan bilang sangka bukon it hotspot sa illegal logging sa programa it Philippine Information Agency-Aklan sa estasyon it RMN-DYKR kon siin imaw hay nangin bisita agud ipahisayud sa publiko ro mga aktibidades ag proyekto it DENR-Aklan sa pag selebrar it World Environment Month (WED) ag Environment Month sa buean ngara it Hunyo. (JSC/VGV-PIA6 Aklan)

Aklan is disaster-prepared - PDRRMC

By Sheila Q. Patoza KALIBO, AKLAN, June 12 (PIA6) – The province of Aklan is prepared and ready to disaster management and operations this rainy season, the Aklan Provincial Disaster Risk Reduction Management Council (PDRRMC) said. According to PDRRMC Officer Galo Ibardolaza their office has 24-hour on duty personnel monitoring the weather situation, and ready to respond to any kind of emergency or disaster. “It is a Standard Operating Procedure of the PDRRMC and all of the Municipal DRRMC here in the province to monitor everyday the weather especially during this rainy season or the southwest monsoon wherein occurrence of typhoons are probable,” Ibardolaza said. Water level sensor in bridges of Madalag and Mobo is also monitored 24/7 to supervise the critical level of water in Aklan River. The monitoring enables the DRRMOs give early warnings to their respective areas of responsibilities, which allow the community to prepare, he added. “The province is investing more on giving early warnings to the people because if the typhoon or the disaster strikes, you could not stop it anymore, what is needed is to lessen the impact of the disaster for being prepared, like loss of lives,” the PDRRMC chief said. Response capability of each municipality is also strengthened; the responders are equipped with necessary skills and equipment for efficient and effective rescue operations. The coordination of every MDRRMC, according to Ibardolaza contributes to the preparedness of the province. On May 30, the first coordination meeting of all MDRRMC in Aklan was conducted wherein the housing of Aklan Disaster Managers Association (ADMA) was established together with its constitution and by-laws. “The meeting was also a venue of exchanging good practices, ideas, suggestions and offering hands to municipalities that need help; and with the established association in the province, disasters management is also strengthened,” Ibardolaza added. The conducted Rescuelympics in Aklan according to PDRRMC Chief revealed the readiness of the province for disaster and calamity rescue operations in terms of equipment and responders’ capabilities and abilities. Meanwhile, the PDRRMC reminds the public not to take for granted the onset of rainy season as based on the weather forecast of authorized agencies here or even of other countries; the impact, strength and duration of El Nino will also be the same to that of La Nina phenomena, which is expected to hit the Philippines. (JSC/SQP-PIA6 Aklan)

Aklanon News: Aklan preparado sa pag-abot it kalamidad ag disaster - PDRRMC

By Sheila Q. Patoza KALIBO, AKLAN, Hunyo 13 (PIA6) – Preparado ag handa ro probinsya it Aklan sa disaster management ag operations sa pag-abot it tig-ueo-ean, hambae it Provincial Disaster Risk Reduction Management Council (PDRRMC) iya. Suno kay PDRRMC Officer Galo Ibardolaza ro anda nga opisina may nakaduty it 24 oras nga nagamonitor it tyempo ag haum nga magaresponde sa anuman nga emerhensya ukon disaster. “Standard Operating Procedure it PDRRMC ag tanan nga mga Municipal DRRMC iya sa probinsya nga magmonitor adlaw-adlaw it tyempo kapin gid kung tig-ueo-ean ukon habagat kung siin hara man ro tyempo it pagbagyo,” hambae ni Ibardolaza.. Ro water level sensor sa tulay it Madalag ag Mobo hay gina-obserbahan 24/7 para mabantayan gid ro kritikal nga lebel it tubi sa Aklan River. Tungod sa pagmonitor, ro mga DRRMO makatao it mga early warnings sa anda nga mga nasasakupan, para makapreparar ro komunidad, dugang nana. “Ro probinsya mas naga-invest sa pagtao it mga early warnings sa mga pumoeoyo dahil kung ina eot-a ro disaster ukon bagyo hay indi eot-a ron mapunggan, ro kinahang-ean hay ro paghagan-hagan sa epekto it disaster kung ro publiko hay handa, para maiwasan ro pagkaduea it kabuhi,” hambae ku hepe it PDRRMC. Ginpabaskog man ro response capability it kada munisipyo; kung siin ro mga nagaresponde hay may kakayahan ag may kagamitan para sa episyente ag epektibo nga rescue operation. Ro koordinasyon man it kada MDRRMC, suno kay Ibardolaza nakakabulig sa pagkapreparar it probinsya. Ku nagtaliwan nga Mayo 30, ginhiwat ro nauna nga coordination meeting it tanan nga MDRRMC sa Aklan kung siin gintukod ro Aklan Disaster Managers Association (ADMA) kaibahan ro consitution and by-laws. “Ro meting hay nangin lugar man sa pagbaylu-baylu it mga good practices, ideya, suhestiyon, ag pagtao it nakaigong bulig sa mga munisipyo nga gakinahang-ean man it bulig; ag tungod sa pag-establisar it hara nga asosasyon, mas mapabaskog pa gid ro disaster management iya sa probinsya,” dugang ni Ibardolaza. Sa ginhiwat nga Rescuelympics sa Aklan suno sa PDRRMC Chief nagpakita it kahandaan ro probinsya sa disaster ag calamity rescue operations pinaagi sa kagamitan ag kapasidad ag abilidad it mga nagaresponde. Samtang, ro PDRRMC nagpahanumdum man sa publiko nga indi pagbalewalaon ro pagsueod it ta-ueo-ean dahil base sa weather forecast it mga ahensya iya ag sa guwa man it nasyon, ro igo, kabaskugon, ag kabuhayon it El Nino hay kaparehas man sa La Nina phenomena, kung siin ro Pilipinas hay gin-ekspektar nga maigo. (JSC/SQP-PIA6 Aklan)

Thursday, June 2, 2016

Subject: Aklanon News: DENR, may mga aktibidades para sa Environment Month

KALIBO, Aklan, Hunyo 2 (PIA6) -- Ro Department of Environment and Natural Resources (DENR) iya sa probinsya it Aklan hay may nakalinyada eon nga mga aktibidades sa pagselebrar it World Environment Day (WED) sa Hunyo 5, ag Environment Month sa buean ngara it Hunyo. Ginsugid ni DENR-Aklan Chief Information Officer Arren Rubi sa ginpatigayon nga meeting it Aklan Public Information Officers Association (APIOA) kurundaya eamang nga pila sa mga aktibidades kara hay rong pagbisita sa mga estasyon it radyo para sa pagpahisayud it mga aktibidades angot kara, pagpananum it kahoy sa Hunyo 25, National Arbor Day, pagsaueog it ika 29 nga anibersaryo it pag krear it DENR, pagpadungog sa mga katuwang it DENR sa pagprotektar sa palibot sa Hunyo 30, ag ro paghiwat it “Search” para sa “Best Nursery” nga gina-mentenar it mga People’s Organizations (POs). Ro mga nurseries ngara hay imaw rong ginabue-an it mga inugtanum nga mga kahoy it DENR para sa National Greening Program (NGP). Magapanupod man ro DENR it mga titulo it eugta sa idaeum ku ana kara nga Handog Titulo nga programa, ag magatutok man sa kampanya kontra sa Illegal Logging sa probinsya sa bulig it mga katuwang kara nga Philippine National Police (PNP) ag Armed Forces of the Philippines (AFP). Ro WED hay gina selebrar kada ika 5 it Hunyo sa pagtuga sa publiko it paghisayud agud magpatigayon it positibo nga aksyon sa pagprotektar sa palibot ag sa planeta. Ro tema para sa WED hay “Go Wild For Life” suno sa United Nations Environment Program (UNEP). Ro buean it Hunyo hay gindeklarar nga Enviroment Month, kon siin ro DENR ro nagapanguna kara nga nagapamuno nga ahensya sa paghiwat it sari-saring mga aktibidades. Ro tema para sa Environment Month sa dag-on ngara hay “Go Wild For Life, Combat Biodiversity Loss#GreenEnvironmentGawingForever”. (JSC/VGV-PIA6 Aklan)

Wednesday, June 1, 2016

Aklanon News: Brigada Eskwela sa Aklan igalunsar sa Numancia

By Venus G. Villanueva KALIBO, Aklan, May 30 (PIA6) – Ro makarong dag-on nga Brigada Eskwela sa probinsya it Aklan hay igalunsar sa Mayo 30 sa Numancia Covered Court sa Numancia, Aklan. Ro paglunsar hay pagapamunuan it Department of Education-Division of Aklan ag pagpakigsakupan it 19 nga mga distrito it Aklan halin sa sidlangan ag nakatundan nga parte it probinsya, kon siin raya nga mga grupo hay maga caravan paadto sa Numancia Covered Court sa pagahiwaton nga programa nga iga host it Distrito it Numancia. Ro grupo it halin sa sidlangan nga parte it probinsya hay Batan, Altavas, Balete, Banga, Libacao, Madalag, New Washington ag Kalibo I ag II. Sa pihak nga parte, ro halin sa nakatundan nga parte it probinsya hay rong Buruanga, Malay, Nabas, Ibajay West ag East, Tangalan, Makato, Malinao, Lezo ag Numancia. Pagkatapos it kickoff sa Mayo 30, tanan nga mga eskuylahan hay magapatigayon it Brigada Eskwela Maintenance Week ag Culminating Activity sa Hunyo 4, kon siin raya hay iga monitor it Regional ag Division Monitoring Team. Ro Brigada Eskwela hay sangka pangkabilugan nga schools maintenance program nga nagatipon sa komunidad, mga ginikanan, maestro ag maestro, mga eskuyla, mga NGO, mga civic groups ag iba pa ag nagatao ku andang oras ag kahugod sa pagpanglimpyo, pagkaayad ag pag mentenar it mga gamit ag palibot it eskuylahan sa pagpahaum it mga eskuylahan sa pagbukas it klase. Ro tema it makaron nga dag-on nga Brigada hay “Tayo Para sa Paaralang Ligtas, Maayos at Handa Mula sa Kindergarten Hanggang Senior High School.” (JSC/VGV-PIA6 Aklan)