Ginpabutyag sang Malacanang sini lang nga samtang ang suspension sang offensive military operations (SOMO) ang gindeklarar sang gobyerno kag ginbaton sang pihak nga grupo, "wala sang katumbas ang katawhayan sa pagdala sang progreso sa aton nga nasyon."
Sa isa ka pakig-angot sa Radyo ng Bayan sa anibersaryo sang Communist Party of the Philippines – National Democratic Front-New People's Army, si Cabinet Secretary Silvestre Bello III, anay chairman sang negotiating panel sang gobyerno ang nagsiling nga "ang katawhayan dapat nga hingagawon sang duha ka grupo."
Ang SOMO ginpatuman halin sang ala una sang aga sang Disyembre 24 tubtub udto sang Disyembre 26 kag humalin ala una sang aga sang Disyembre 31 tubtub udto sang Enero 1.
Suno kay Bello, maagum lamang ang isa ka makahulugan kag madinugayon nga pagprogreso sang nasyon paagi sa isa ka madinugayon nga katawhayan. Suno pa gid sa iya, indi kinahanglan ang isa ka temporaryo nga ceasefire sang 15 tubtub 30 ka adlaw kundi isa ka madinugayon nga katawhayan sa pungsod. Kinahanglan, suno sa iya, ang isa ka pinal nga solusyon sa armado nga konflikto sa tunga sang gobyerno kag CPP-NDF-NPA.
Importante suno kay Bello ang pagduso sang proseso sa katawhayan paagi sa pasensya kag 'political will.'
Ginsaad ni Belo nga nakahibalo siya kon ano kabudlay ang pagnegosyar sang katawhayan "tungod gina-istoryahan ang apat ka dekada nga intransigency halin sa wala gani indi mahapos ang pagpabalik sa ila sa sabak sang gobyerno."
Iya nga ginpaathag nga ang gindeklarar nga SOMO sang gobyerno wala nagaabang sa iya sini nga depensiba nga posisyon kag operasyon. "Samtang wala kita nagahimo sang mga agresibo nga aksyon kontra sa ila, preparado man kita nga atubangon ang anuman nga opensiba kon indi nila masunod ang kasugtanan sa ceasefire", suno kay Belo. (PIA/Venus G. Villanueva)